صــــــــوتك ,, لجبار رشيد

بين الحلم ,, والحقيقة ,,
تسير الروح دون ان تعرف الى اي الطرق تأخذها الخطوات ,,
على أثــــــــــر ذلك الصوت ,,
بكل الشوق ,, وبكل الحب ,,قلب ينادي حبيبه البعيد ,,
وصوت ,, يحيه من جديد ,, ليستفيق من الحلم ,, ويكون في الحقيقة ,,
فكلاهما ,, في روح واحده ,, وتجمعهما انفاسُ واحده ,, ولن يبتعدا ,, رغم عبث الغرباء ,,
,, قصيـــــــــــــدة ,,
تحمل الكثير ,, وتحدثُ عن الكثير ,,
كتبتها أنامل شاعرُ من شعرائنا المبدعين ,,
(( شـــــــــاعر الثلج والنـــــــــــار ))
,, جبـــــــــــــار رشيــــــــــــــد ,,
أضعها هنا بين ايديكم ,, فتقبلوا نقلي لهذه الرائعة ,, لشاعرنا المبدع ,,

*******************

,,,, صـــوتـــك ,,,,

صوتك ندهني او مو حلم ,,

وفزيت من نومي ,,

وگلت..

مو صدگ ,, لا ,,يمكن صدگ!!

والروح ,, وي صوتك مشت ,,

وناديت ,,

والخطوه ابعدت,,

والصوت وي مشي الجدم ,,

من ينلحگ.. ما ينلحگ ..

وعالأثر ,, نمشي اعله الأثر,,

والشوگ سابگنه سبگ ,,

والگلب ,, لم روحه واجه,,

ودگاته احسهه بلا وعي..

مو مثل يوميه يـــدگ !!

* * * *
ويم بابك وياحيرتي .... مدري اشندهني وجابني؟!!

وحتى نسيت اشلون ,, عالباب من ادگ؟!

ظنيت ما اشوفك بعد ,,

من شفت ضويات الدرب ,, يطفونهه شما تعتلگ

ومن شفت شتلات الفرح.. مات الفرح ,,وملثمه ,,

والحزن صار اسنين ياكل بالعــــــــرگ

ورادوني مااشوفك ابد.. ضموا تصاويرك علي ,,

واعلنوا,, لازم نفـــترگ ,,

وشالوك ,, حتى من الحلم!!

وحلمك يجيني بلا صور ,,

وبـلا خلـــگ ,,

****
ولمن افز.. يبجي الحلم.. واثنينه اعله الروس نتگابل ندگ ,,

ورادوني مااشوفك ابد.. والعين مثل ام الولد..

وانته الولد

لمن اجت ,, ماشافتك ,, الجفن صار الزيج ,,

گامت بيه تشگ ,,

وياحال من بعدك عشت.. غصن وخذوني من الشجر ,,

وذبوني يم نار الهجر.. واليوم باجر احترگ!!

وعشت بطرگ ,, روحي وسوادين العشگ,,

واسأل عليك وتيهت,, واسأل منو .. ؟!

وبيمن اثق؟!!

وانسدن بوجهي احس كل الطرق..

والگه الأسأله ,, وكيفت ,,

والگاهن الجلمات ,, ويضيع الحلـگ ,,

وخلني اسولفلك بعد.. ياواهسي وغيرك منو؟

والروح اجت مسودنه.. واشبگهه وي روحك شبگ

لاتبچي اطيح ويه الدمع ..والروح اسويها نفس ,,

ومناشغ اشهگني شهگ

وبريتك يا ريتي ولمن اصيرنلك نفس ,,

لاخنگك ولا,, اختنـــگ,,, !!

****************

اعذب التحايا تقبلوها مني ,,